مسامحک یل ناکر العشره و هوانه . ولا یوم سماء حبنه صفه وهوانه. انته الی خسران والرابح وهوانه. لان عرفتک مووفی واتخون بیه. 

حبک الی تصرف الگلب ولکحل * والسبانی البرگع والعینین ولکحل *  ابهجرک من ترید تولینی ولکحل * لان تعلقت فیک وترید تبعدعلیه *

 ذابحنی حبک وانوب دلالک *هم الی خاطرو یهوانی دلالک * منوموصیک علیه یاهودلالک * تجینی وماتدلینی وتغیب علیه *

خفلی

بسرعه خلص حبک ووصلک / شلون مرتبط وصلی ووصلک / فکرت معدنک طیب ووصلک / توگف الی ضد الدهر ونحربه / وشامت عرف ابهوانه ونحربه / تدری بفرگاک انضبح ونحربه / اطیح مکتول وماگدرووصلک

ما راید غیرک بل دنیه ولکون

 گلبی صارمثل ناعور و لکون

 گلی رایح  وین عنی  ولکون

تجافینی انوب و ما تسل علیه

همی هام و هم همومه همالی

بچیت انا وبچه الباچی همالی

غالی و غلاتک غالیه همالی

رحت والروح راحت وراکم

عمت العین و ماعاین وراکم

شحسب حساب حسبه وراکم

خلصت اخلاص خالص همالی

انفتحلک باب گلبی و سکرلک . طعم حبی تره عسل وسکرلک . عگلی بودادک داخ و سکرلک . ویصحه من تجی ونگعد سویه 

و لو مشغول مره انشد وسللی

والگلب بهواک افرحنه وسللی

الهجرهشهش عضامی وسللی

جسمی وروح تجرالونه خفیه

هم  مره  شفتک و ابحبی مالمتنی

 ومن کثرماکتبت لک شعر مالمتنی

طشرنی الوکت و یا حیف  مالمتنی

رحت وضل الشامت یضحک علیه

احسبی اشکثر ما شفتچ وعدی

وانا باقی علی عهدی و وعدی

صابرشما حاربنی الدهروعدی

لان عزیزه وبعدچ یصعب الیه

نطرتچ حتی ضبل الورد والشمع ماع 

انتی الی هجرتنی وبعدچ العمر ضاع

ضاع کل التعب یسمره یاسلوه اسنینی

ارید اسافربعید تعای آخرمره ودعینی

اسلئچ هم بعد راح فرد یوم وتذکرینی

تره ولامره ناسک گلبی ریض وهاع

لاهاع لحظه والروح حبک ابدما نسته

بتمنی دمعی یصب علی خدک وبسته

اخنگ العبرات بصدری ابکی بسکته

حللینی اذا سمعتی بموتی والخبرشاع

اکلمنک ودموع العین تره هلت

وشمعنه غبت وعلی الغیر هلت

اناکلمااسمع بسمک احی وهلت

ویضل حبک کل وکت تذاکرالیه

بسرعه نسه الطیب اویاه وگفای

 تخله عنی ابضیج وانکسروگفای

تره وصت یخلون گلبی وگفای

یضل باقی للوفی بوذات الوفیه

ولوبطیف یا اسمر ولک مرعلینه

من بعدک العسل طعمه  مرعلینه

شمترید اطلب یا غالی ومرعلینه

گلبی عندک والروح اقدمه هدیه

حبیبی بس گلی اشذکربیه ودلک

کل لحظه تمرعلیه بحبک ودلک

راح  اطرش روحی الک ودلک

لان گلبی عندک وما یرجع الیه

لهاک الوکت عن حبی و ودی

گلبی عندک رجعه الی و ودی

اتمنه تعود ایامنه یسمر و ودی

نکون سو وتصیر ایامنه زهیه

مره اسئل گلبک یا اسمرلیش سابنی

کل ما انهدم ارکان بیت حبی سابنی

الدهرکلوکت بلفرگه یعذبنی وسابنی

چه ارید وصلک وما ایریدک الیه

حرت بین حبک یا اسمرووصلی

  صرت کافروعفت دینی و صلی

  اخضه گلبی انته و حیل وصلی

  حتی منک ایوز و لا ایلح علیه

اخنگ بصدری العبره من اسمع  بسمک 

من بعدی منو انوب صار یضوی بسمک

ولک عطشان لشوفتک وضحک بسمک

وعساه بخت الذی بدلک یا اسمرعلیه

ضلت جسد خالی و انت الروح * اشبقه اناعندی والگلب مجروح * عجزت من کثر الحزن والنوح * اعد ایامی بهموم وما تنشد علیه*

گلبی هاویک وکل یوم یفرولک طر*من هجرک  جرح  بدلال ولک طر*بس مره انشد علی حالی ولک طر*وشوف بعینک افراگک اشعمل بیه

حبیبی یا ناس الاسمر وعزیز هوالی

انا عایش علی حبه و النفس هوالی

اتمنی انا اصیرن محبوبه  و هوالی

انتسامرو مثل الاهلال واینور علیه 

اشما رید الیوم اسکت الگلب بی لویه

اضوی اشموع الفرح  للمحبوب لویه

کلمه الحب حرفین عليه تنضاف لویه

حبی  یصیر للمطلوب  اینور علیه 

قررت  انسه الاسمر و الگلب احبسنه

و راید احبه کل العمر مش احب  سنه

صدق  انا  شایب  لاکن  کنت  احبسنه

بسبب کنت اقارن علیه  و یتدلل علیه

صدمنی جوابک یا اسمر  وردک

مش ذنبی الگلب یهواک   وردک

هنیاله الشم من اعطور  وردک

تمر ایامه بسعاده وتکون هنیه